പാക്കിൽ സംക്രമ വാണിഭം പതിവുപോലെ കർക്കിടകം ഒന്നിന് തന്നെ തുടങ്ങി. ഐതിഹ്യത്തിലെ പറയിപെറ്റ പന്തിരുകുലം എന്നറിയപ്പെടുന്ന വരരുചി-പഞ്ചമി ദമ്പതികളുടെ മക്കളിൽ രണ്ടാമനായ പാക്കനാരെ ചുറ്റിപ്പറ്റിയുള്ള ചരിത്രമാണ് പാക്കിൽ സംക്രമ വാണിഭത്തിന്റെ അടിസ്ഥാനം.ഒരുമാസത്തോളം ഈ കമ്പോളം ഇവിടെയുണ്ടാകും. പാക്കിൽ സംക്രമവാണിഭം എന്നാണീ കമ്പോളം അറിയപ്പെടുന്നത്. പേരൂരിനടുത്തുള്ള സംക്രാന്തിയിലാണ് ഈ കമ്പോളം മിഥുനമാസത്തിൽ തുടങ്ങുന്നത്.അത് കർക്കിടകം ഒന്നിന് പാക്കിൽ ക്ഷേത്രമൈതാനിയിലേക്കു സംക്രമിക്കുന്നു. അതിനാൽ സംക്രമവാണിഭം എന്നറിയപ്പെടുന്നു. പള്ളം ഗവ.യു.പി.സ്‌കൂളിലെ കർക്കിടകമാസത്തിലെ ആദ്യ പഠനയാത്ര ഇവിടേയ്ക്കാണ് നടത്താറുള്ളത്.
കൂടുതൽ വിവരങ്ങൾക്കായി ലിങ്ക് അമർത്തുക. "Link"
പല വിദ്യാലയങ്ങളും മലയാളപ്പഴമയുടെ അനുഭവത്തിലെ ഈ തുറന്ന കമ്പോളം കാണാനും ചരിത്രവസ്തുതകൾ അന്വേഷിച്ചറിയാനും ദൂരദേശങ്ങളിൽനിന്നും ഈ സ്ഥലത്ത് ഈ കാലത്തു എത്തുന്നുണ്ട്.
കോട്ടയം ജില്ലയിൽ പള്ളം പ്രദേശത്തിനടുത്താണ് ഈ സ്ഥലം.
തെക്കുനിന്നും റോഡുമാർഗം എം സി റോഡിലൂടെ വരുമ്പോൾ ചിങ്ങവനത്തുനിന്നും ഒന്നര കിലോമീറ്റർ അകലത്തിൽ മാവിളങ്ങ് കവലയിൽ വലത്തേക്ക് റോഡിലൂടെ വീണ്ടും ഒരുകിലോമീറ്റർ സഞ്ചരിച്ചാൽ ഇവിടെയെത്താം.വടക്കുനിന്നും റോഡുമാർഗ്ഗം വരുമ്പോൾ കോട്ടയം ടൗണിൽനിന്നും ഏഴു കിലോമീറ്റർ തെക്കാണ് പാക്കിൽ സംക്രമവാണിഭ സ്ഥലം.(കോട്ടയം - പാക്കിൽ റൂട്ട് ).MC റോഡിലൂടെ ബോർമ്മക്കവലയിലെത്തി ഇടത്തേക്ക് തിരിഞ്ഞു അരക്കിലോമീറ്റർ യാത്രചെയ്താൽ പാക്കിൽ സംക്രമവാണിഭ സ്ഥലത്തെത്താം. കിഴക്കുനിന്നും വരുമ്പോൾ മണർകാട് വഴി പുതുപ്പള്ളിയിൽനിന്നും പനച്ചിക്കാട് വഴിയോ കൊല്ലാട് വഴിയോ കഞ്ഞിക്കുഴിയിൽ നിന്നും കൊല്ലാട് വഴിയോ പാക്കിൽ വാണിഭസ്ഥലത്ത് എത്താം.
No comments:
Post a Comment