വികസന സമിതി രൂപീകരണം

സ്കൂൾ വികസന സമിതി 
പള്ളം ഗവ.യു.പി. സ്കൂളിന്റെ ഭൗതിക ചുറ്റുപാടുകൾ മെച്ചപ്പെടുത്തുന്നതിനായി പൂർവ വിദ്യാർത്ഥികളും സ്കൂളിന്റെ ഉയർച്ച സ്വപ്നം കാണുന്നവരുമായ വിശിഷ്ട വ്യക്തികളെ ഉൾപ്പെടുത്തി സ്കൂൾ വികസന സമിതി രൂപീകരിച്ചു.
സ്കൂൾ മാനേജ്മെന്റ് കമ്മിറ്റി ചെയർമാൻ ശ്രീ.കെ.സി.ബിലു അദ്ധ്യക്ഷത വഹിച്ച യോഗത്തിൽ SMC അംഗങ്ങളും വിശിഷ്ടവ്യക്തികളും പങ്കെടുത്തു.പൂർവവിദ്യാർത്ഥിയായ റിട്ട.എ.ഡി.എം. ശ്രീ.ശശി ചെയർമാനായും പൂർവവിദ്യാർത്ഥിയായ നാട്ടകം മത്സ്യ വിപണന സംഘം പ്രസിഡന്റ്‌ ശ്രീ.വിജയകുമാർ വൈസ് ചെയർമാനായും തെരഞ്ഞെടുക്കപ്പെട്ടു.

തീരുമാനങ്ങൾ

സ്കൂളിനാവശ്യമായ  ഭൗതിക കാര്യങ്ങളെ സ്റ്റാഫ് മീറ്റിംഗിൽ മുന്ഗണനാ ക്രമത്തിൽ ചിട്ടപ്പെടുത്തി സമിതിയുടെ അടുത്ത യോഗത്തിൽ അവതരിപ്പിക്കുക.
സമിതിയിൽ നിന്നും ഒരു എക്സിക്യുട്ടീവ്‌ കമ്മിറ്റിയെ തെരഞ്ഞെടുക്കുക.

 സ്കൂൾ മാനേജ്മെന്റ് കമ്മിറ്റി ചെയർമാൻ ശ്രീ.കെ.സി.ബിലു

          ശ്രീ.ടിനോ കെ.തോമസ്‌ (വാർഡ്  കൌണ്‍സിലർ )

റിട്ട.എ.ഡി.എം. ശ്രീ.ശശി (ചെയർമാൻ)

ശ്രീ.വിജയകുമാർ (വൈസ് ചെയർമാൻ)

Download Income Tax Return Forms

Download >> ITR1
ITR1 Directions
Download >> ITR-V (Aknowledgement)

ചാന്ദ്രദിനം

ചാന്ദ്രദിനം 
വിദ്യാലയത്തിൽ ഇന്ന് ചാന്ദ്രദിന സ്മരണയുണർത്തുന്ന പ്രവർത്തനങ്ങൾ നടത്തപ്പെട്ടു.സയൻസ് ക്ളബ്ബിന്റെ നേതൃത്വത്തിൽ ക്വിസ് മത്സരം,വീഡിയോ പ്രദർശനം എന്നിവ നടത്തപ്പെട്ടു. 
രാവിലെ അസംബ്ളിയിൽ 6,7 ക്ളാസ്സുകളുടെ ശാസ്ത്ര പതിപ്പുകളുടെ പ്രകാശനം നടത്തപ്പെട്ടു.

 

1972: Apollo 17 (NASA)

Publish Post

NASA | Tour of the Moon

സ്കൂളിനു സ്വന്തമായി LCD Projector ഉണ്ടായിരുന്നെങ്കിൽ ധാരാളം കാര്യങ്ങൾ കുട്ടികളെ കാണിച്ചു പഠിപ്പിക്കാമായിരുന്നു...!

നാട്ടകം പ്രൈമറി ഹെൽത്ത് സെന്ററിലെ ഹെൽത്ത് ഇൻസ്പെക്ടർ സ്കൂളിലെ പാചകപ്പുര പരിശോധിക്കുന്നതിനായി എത്തിയപ്പോൾ

പ്രവൃത്തിപരിചയക്ലാസ്സ് (ക്യാമ്പ്)

ഇന്ന് രാവിലെ വിദ്യാലയത്തിലെ യു.പി.വിഭാഗം പ്രവൃത്തിപരിചയ ക്യാമ്പ് നടത്തപ്പെട്ടു.മരപ്പണിയാണ് ഇന്ന് പഠിക്കാൻ ശ്രമിച്ചത്.

 

അക്ഷരമുറ്റം

പള്ളം ഗവ.യു.പി.സ്കൂളിന് ഇന്ന് ഒരു പത്രം കൂടി വായനയ്ക്കായി ലഭിച്ചു.നാട്ടകം മത്സ്യ വിപണന സംഘത്തിനു വേണ്ടി സംഘം പ്രസിഡന്റ് ശ്രീ.വിജയകുമാർ ആണ് ദേശാഭിമാനി ദിനപ്പത്രം സ്പോണ്സർ ചെയ്തിരിക്കുന്നത്.

ശ്രീ.വിജയകുമാറിനോടുള്ള നന്ദി അറിയിക്കുന്നു.

 ശ്രീ.വിജയകുമാർ 

(നാട്ടകം മത്സ്യ വിപണന സംഘം പ്രസിഡന്റ് )

 

ഇന്ന് SMC അടിയന്തിരയോഗം

ഇന്ന് SMC അടിയന്തിരയോഗം ചേർന്ന് ഇന്നലെ നടന്ന പ്രകൃതിക്ഷോഭത്തിന്റെ ശേഷമുള്ള കാര്യങ്ങളും നാശനഷ്ടങ്ങളും വിലയിരുത്തി.

സ്കൂൾ കെട്ടിടത്തോട് ചേർന്നു നില്ക്കുന്ന രണ്ടു തെങ്ങുകളും മുറ്റത്ത് ഉണങ്ങി ദ്രവിച്ചു നില്ക്കുന്ന 80 വർഷത്തിലധികം പഴക്കമുള്ള പ്ളാവും ഉടൻ വെട്ടി നീക്കാത്ത പക്ഷം അപകടമുണ്ടാകുമെന്നും മരം വെട്ടി നീക്കണമെന്നും അധികാരികളെ ഈ വിവരം അറിയിക്കണമെന്നും യോഗം തീരുമാനിച്ചു.കനത്ത മഴയിൽ സ്കൂളിലെ കക്കൂസിന് സമീപമുള്ള മണ്ണ് ഇടിഞ്ഞുതാണു.

SMC അംഗങ്ങൾ കാര്യങ്ങൾ വിലയിരുത്തി.

......വഴുതി മാറിപ്പോയ ദുരന്തം... 12.50 pm......വഴുതി മാറിപ്പോയ ദുരന്തം... 12.50 pm......

ഇന്നുച്ചയോടെ സ്കൂൾ കോമ്പോണ്ടിൽ നിന്നിരുന്ന കൊന്നത്തെങ്ങ് കാറ്റിൽ കടപുഴകി വീണു. അംഗനവാടിയുടെ സമീപത്തു നിന്നിരുന്ന തെങ്ങാണ് മറിഞ്ഞു വീണത്‌. കളക്ട്രേറ്റിൽ അറിയിച്ചതിനാൽ ഫയർ ഫോഴ്സും വന്നെത്തി. വില്ലേജ്‌ ഓഫീസറും സ്ഥലം സന്ദർശിച്ച് ആവശ്യമായ നിർദേശങ്ങൾ നല്കി.

 അകലെക്കാണുന്ന കെട്ടിടത്തിന്റെ മേല്കൂരയിലേക്കാണ് തെങ്ങ് വീണത്‌.അംഗനവാടിയുടെ സമീപത്തുകൂടെയാണ് തെങ്ങ് വീണത്‌.ഈ സമയം കുട്ടികൾ ഉറങ്ങുകയായിരുന്നു. സ്കൂൾ കുട്ടികളെ ഉച്ചഭക്ഷണത്തിന് വിടാൻ തുടങ്ങുകയായിരുന്നു.

 എം.എൽ.എ.ഫണ്ടുപയോഗിച്ച് കേടു പോക്കിയ കെട്ടിടത്തിന്റെ കൂരയിലാണ്‌ മരം വീണത്‌.ഭക്ഷണത്തിനു ശേഷം കുട്ടികൾ കളിക്കുകയും വിശ്രമിക്കുകയും ചെയ്യുന്ന ഹാളാണിത്.

ഫയർ ഫോഴ്സിന്റെ സേനാംഗങ്ങൾ

 വില്ലേജോഫീസർ നാശനഷ്ടങ്ങൾ വിലയിരുത്തി.

Basic Science STD VII

ഒരു പ്രാക്ടിക്കൽ ക്ളാസ്സ് ....

       എഴാം തരത്തിലെ കുട്ടികൾ പതിവയ്ക്കൽ ചെയ്യുന്നു.    ശാസ്ത്രാദ്ധ്യാപകൻ ജിജോ സാർ നേതൃത്വം നല്കുന്നു.