ഇന്ന് ഭിന്നശേഷി വാരാചരണം-ഒന്നാം ദിനം

ഇന്ന് ഭിന്നശേഷി വാരാചരണം ഒന്നാം ദിനം. പള്ളം ഗവ..സ്‌കൂളിൽ ഇന്ന് ഈ ദിനം സവിശേഷമായി ആചരിച്ചു. സ്‌കൂളിൽ ആറാം ക്‌ളാസ് വിദ്യാർത്ഥിനിയായ ഭിന്നശേഷിക്കാരിയായ ഗീതു ഇന്ന് രാവിലെ തന്റെ മാതാപിതാക്കളോടൊപ്പം വന്നെത്തി. സ്‌കൂൾ ലീഡർ അയന അവളെ പൂച്ചെണ്ട് നൽകി സ്വാഗതം ചെയ്തു.തുടർന്ന് വന്നെത്തിയ എല്ലാവര്ക്കും ഹെഡ്മാസ്റ്റർ ഹൃദ്യമായ സ്വാഗതം ആശംസിച്ചു.പിന്നീട കുട്ടികളുടെ ഗായകസംഘം മധുരഗാനങ്ങൾ പാടി ഏവരെയും സന്തോഷിപ്പിച്ചു.അധ്യാപകർ സ്വരൂപിച്ച സ്നേഹോപഹാരം ഹെഡ്മാസ്റ്റർ സ്‌കൂളിന് വേണ്ടി ഗീതുവിന്‌ കൈമാറി.

കുട്ടികളുടെ കലാപരിപാടികളും പ്രസംഗങ്ങളും പരിപാടിക്ക് കൊഴുപ്പേകി.

സ്കൂൾ കുട്ടികളുടെ സുരക്ഷ സംബന്ധിച്ച്

സ്കൂൾ കുട്ടികളുടെ സുരക്ഷ സംബന്ധിച്ച് അടിയന്തിര PTA യോഗവും കുട്ടികളുടെ പഠന പുരോഗതിക്ക്  PTA യ്ക്കായി ആവിഷ്കരിച്ച പഠന ക്ലാസ്സും ഇന്ന് 2 മണി മുതൽ പള്ളം ഗവ.യു.പി.സ്കൂളിൽ നടത്തപ്പെട്ടു. പ്രത്യേക പരിശീലനം നേടിയ ശ്രീമതി. V.രമ്യാ മോൾ ടീച്ചർ പഠന ക്ലാസ്സ് നയിച്ചു.

ശ്രദ്ധ 2019  
 
നമ്മുടെ സ്‌കൂളിൽ ഇന്നുമുതൽ ശ്രദ്ധ എന്ന പ്രത്യേകപരിശീലനപരിപാടി തുടങ്ങി. 3 മുതൽ 7 വരെ ക്‌ളാസ്സുകളിൽ പഠിക്കുന്ന കുട്ടികൾക്കാണീ പരിപാടിയുടെ പ്രയോജനം ലഭിക്കുന്നത്.പഠനത്തിൽ കൂടുതൽ ശ്രദ്ധചെലുത്തി കുട്ടികളെ കർമ്മോത്സുകരാക്കുന്ന പ്രത്യേക പരിപാടിയാണിത്.
ഇന്ന് പ്രീ ടെസ്റ്റ് നടത്തപ്പെട്ടു.

നാളെ ശനിയാഴ്ച ഈ കുട്ടികൾക്ക് പഠന ക്യാമ്പായി പരിപാടി നടത്തും.
ഭാഷ, ഗണിതം, ശാസ്ത്രം, സാമൂഹ്യ ശാസ്ത്രം, ഇംഗ്ലീഷ് തുടങ്ങിയ വിഷയങ്ങളിലാണ് പരിശീലനം നൽകുന്നത്.
വരും ദിനങ്ങളിലും അധ്യാപകരുടെ നേതൃത്വത്തിൽ ഈ പരിപാടി തുടരും.