പള്ളം ഗവ.യു.പി.സ്‌കൂളിൽ ഇന്ന് ഡെങ്കു ഉറവിട നശീകരണ ദിനം നടത്തി. രാവിലെ നാട്ടകം പ്രൈമറി ഹെൽത് സെന്ററിലെ സിസ്റ്റർമാർ സ്‌കൂളിൽ എത്തുകയും കുട്ടികൾക്കും അദ്ധ്യാപകർക്കും ആവശ്യമായ നിർദേശങ്ങൾ നൽകുകയും ചെയ്തു. തുടർന്ന് അദ്ധ്യാപകരുടെ നേതൃത്വത്തിൽ ഓരോ ക്ലാസിലെയും കുട്ടികൾ ഒത്തുചേർന്ന് 11 .30 മുതൽ പരിസര ശുചീകരണം നടത്തി. വിദ്യാലയപരിസരത്തുണ്ടായിരുന്ന ഒഴിഞ്ഞ കുപ്പികൾ ചിരട്ടകൾ പഴയ പാത്രങ്ങൾ എന്നിവ ഒരു കമ്പുപയോഗിച്ചു തടുത്തുകൂട്ടിയതിനു ശേഷം മാലിന്യക്കുഴിയിലിട്ടു കത്തിച്ചു. വിദ്യാലയത്തിലെ എല്ലാ അദ്ധ്യാപകരും കുട്ടികളും ഈ പരിപാടിയിൽ ആദ്യാവസാനം സജീവമായി പങ്കെടുത്തു.
No comments:
Post a Comment